Os chamados alimentos km 0 son aqueles cuxo orixe pode rastrexarse nun rango de 100 quilómetros máximo do punto de consumo. É dicir, falamos de produtos locais, que levan tamén como características:

• Son produtos de tempada
• Son produtos ecolóxicos. O seu proceso de produción e transporte está suxeito a normativas que prohiben o uso engadido de químicos ou conservantes.
• Os seus procesos realízanse con consciencia e protección ao medio ambiente.

A comida km 0 é un concepto que hai uns anos apareceu por primeira vez en Italia. Denota os alimentos producidos, vendidos e consumidos localmente, os alimentos que percorreron cero quilómetros. Refírese principalmente a froitas, verduras, queixos, carnes, mel, etc. non industriais, que non atravesan cadeas comerciais globais, polo que non ten grandes marxes de prezo e perda de calidade durante o almacenamento prolongado nos supermercados internacionais. Tamén ten un aspecto ecolóxico importante dado que non hai transporte involucrado (compramos na tenda da esquina), o medio ambiente non sofre contaminación directa e indirecta.

Galicia é famosa pola súa gastronomía e a calidade dos seus produtos. Mostra deles son os numerosos restaurantes, bares, tabernas e puntos de venda de artesanía locais que se atoparán os peregrinos ao longo do Camiño. Recomendámosvos probar toda a gastronomía local que poidades porque é o complemento perfecto para a experiencia de percorrer o Camiño de Santiago.

Asociacións como Slow Food Compostela avogan polo consumo de produtos locais a través de diferentes iniciativas como o recoñecemento de “Comedores km 0”, “Restaurantes km 0” ou o apoio a pequenos produtores a través da organización de diferentes eventos.