O documental ‘Nós, as mulleres’ foi dirixido por María Nogueira, unha veciñade Castroverde que decidiu entrevistar a sete mulleres do municipio, incluida ela mesma.

As protagonistas son Estrella Ramos, propietaria de Ramos Casanova; Manuela Castedo, ama de casa; Rocío Fernández, á fronte da zapatería Rocío Selección; María Otero, propietaria do supermercado Otero; Manuela Vázquez, propietaria da entidade de aconsellamento Agriña, e Maribel e Marisa Fernández, propietarias da casa de turismo rural A Longarela. A elas debemos engadir á propia Nogueira.

Aínda nos nosos días o traballo agrícola e gandeiro das mulleres no rural (e tamén no urbano) é invisible debendo afrontar grandes retos coma a dificultade de acceso á propiedade da terra e a recursos de capacitación. Con todo, o seu traballo máis invisible é o que permite que existan núcleos familiares no rural: o dos coidados. Son elas as encargadas de coidar a nenos e nenas e a persoas maiores ademais dos traballos do exterior. Pero esta faceta non é recoñecida nin remunerada.

Traballos como o impulsado polo Concello de Castroverde son un exemplo de boas prácticas en prol da igualdade e visibilidade do traballo da muller.